കൊച്ചി: ആരോഗ്യമേഖലയിലെ പ്രൊഫഷണലുകള്‍ക്കായുളള നോര്‍ക്കയു.കെ കരിയര്‍ ഫെയറിന്റെ രണ്ടാഘട്ടത്തിന് നാളെ തുടക്കമാകും.   ഇന്നു മുതല്‍ 6 വരെ എറണാകുളം താജ് ഗെയ്റ്റ് വേ ഹോട്ടലിലാണ്  ഫെയര്‍ നടക്കുക. കരിയര്‍ ഫെയര്‍ നോര്‍ക്ക റസിഡന്റ് വൈസ് ചെയര്‍മാന്‍ പി. ശ്രീരാമകൃഷ്ണന്‍ ഉദ്ഘാടനം ചെയ്യും. ചടങ്ങില്‍ സി.ഇ.ഒ കെ. ഹരികൃഷ്ണന്‍ നമ്പൂതിരി അദ്ധ്യക്ഷത വഹിക്കും.   ജനറല്‍ മാനേജര്‍ അജിത്ത് കോളശ്ശേരി. റിക്രൂട്ട്‌മെന്റ് മാനേജര്‍ ശ്യാം.ടി.കെ,വെയില്‍സില്‍ നിന്നുള്‍പ്പടെയുള്ള യു.കെ പ്രതിനിധികള്‍ തുടങ്ങിയവര്‍ സംബന്ധിക്കും. യു. കെ. യിലെ ഇംഗ്ലണ്ടിലെയും വെയില്‍സിലെയും  വിവിധ എന്‍ എച്ച് എസ് ട്രസ്റ്റു  ആശുപത്രികളിലേക്ക് നഴ്‌സുമാര്‍,  ജനറല്‍ മെഡിസിന്‍, അനസ്‌തെറ്റിസ്റ്റ്, സൈക്യാട്രിസ്റ്റ് എന്നീ സ്‌പെഷ്യാലിറ്റികളിലേയ്ക്കുളള ഡോക്ടര്‍മാര്‍ എന്നീ വിഭാഗങ്ങളിലേക്കാണ് അഭിമുഖങ്ങള്‍ നടക്കുക. റിക്രൂട്ട്‌മെന്റ് നടപടികള്‍ പൂര്‍ണ്ണമായും യു.കെ യിലെ റിക്രൂട്ട്‌മെന്റ് പ്രതിനിധികളുടെ മേല്‍നോട്ടത്തിലാകും നടക്കുക.

സൈക്യാട്രി , അനസ്‌തേഷ്യ , ജനറല്‍ മെഡിസിന്‍ , എന്നീ സ്പഷ്യാലിറ്റികളിലേയ്ക്കുള്ള ഡോക്ടര്‍മാര്‍ , നഴ്‌സുമാര്‍ എന്നിവവര്‍ക്കായുള്ള അഭിമുഖമാണ് നാളെ നടക്കുക. നോര്‍ക്കയില്‍ നിന്നുള്ള അറിയിപ്പുകള്‍ ഉദ്യോഗാര്‍ത്ഥികള്‍ക്ക് ഇതിനോടകം നല്‍കിയിട്ടുണ്ട്. യു.കെ യില്‍ എന്‍.എച്ച്.എസ് (നാഷണല്‍ ഹെല്‍ത്ത് സര്‍വ്വീസസ്) സേവനങ്ങള്‍ ലഭ്യമാക്കുന്ന ഹംബര്‍ ആന്‍ഡ് നോര്‍ത്ത് യോര്‍ക്ക്ഷയര്‍ ഹെല്‍ത്ത് ആന്‍ഡ് കെയര്‍ പാര്‍ട്ടണര്‍ഷിപ്പും യു.കെ യിലെ മാനസിക ആരോഗ്യരംഗത്ത് പ്രവര്‍ത്തിക്കുന്ന അംഗീകൃത സംഘടനയായ നാവിഗോയും വെയില്‍സ് സര്‍ക്കാരിന്റെ പ്രതിനിധികളും ഫെയറില്‍ പങ്കെടുക്കുന്നുണ്ട്. നോര്‍ക്ക യു.കെ കരിയര്‍ ഫെയറിന്റെ ആദ്യഘട്ടം 2022 നവംബര്‍ 21 മുതല്‍ 25 വരെ എറണാകുളത്ത് നടന്നിരുന്നു. ഇതില്‍ തിരഞ്ഞെടുക്കപ്പെട്ട ഉദ്യോഗാര്‍ത്ഥികളുടെ ആദ്യസംഘം യു.കെ യിലെത്തി. 
കൂടുതല്‍ വിവരങ്ങള്‍ക്ക് www.nifl.norkaroots.org എന്ന വെബ്ബ്‌സൈറ്റ് സന്ദര്‍ശിക്കുകയോ, 24 മണിക്കൂറും പ്രവര്‍ത്തിക്കുന്ന നോര്‍ക്ക ഗ്ലോബല്‍ കോണ്‍ടാക്ട് സെന്ററിന്റെ ടോള്‍ ഫ്രീ നമ്പറുകളിലോ ബന്ധപ്പെടാവുന്നതാണ്. ഇന്ത്യയില്‍ നിന്നും 18004253939, വിദേശത്തുനിന്നും +918802012345 (മിസ്സ്ഡ് കോള്‍ സര്‍വ്വീസ് )